PINOY BOXER, PUMANAW NA
Hindi na naka-recover pa at tuluyan nang pumanaw si Carlo Maquinto, ang na-comatose na Pinoy boxer matapos mapuruhan sa pakikipagbakabakan nito kay Marc Joseph Acosta, noong Sabado sa Caloocan City. Ayon kay retired boxer Gerry Peñalosa na nag-organisa sa naturang laban, hindi nakitaan ng anumang senyales na napuruhan si maquinto ni Acosta. Subalita ayon sa mga espesyalista sa Far Eastern University (FEU) hospital, bumigay ang katawan ni Carlo dahil sa malaking blood clot o hematoma malapit sa kanang utak nito.
read morePAGBUBULGAR NG 45 ARI-ARIAN NI CORONA, ITINANGGI NG LRA
Itinanggi rin ng Land Registration Authority (LRA) ang isyung pagbubulgar sa media ng mga dokumento nang umano'y 45 na ari-arian ni Supreme Court (SC) Chief Justice Renato Corona. Una nang itinanggi ng prosecution panel na sila ang naglabas ng nasabing dokumento, nang kuwestiyunin ng mga senator-judges dahil 23 ari-arian lamang ang lumabas sa isinagawang cross-examination ng depensa. Ayon kay LRA public information officer Atty. Robert Bautista, tanging sa mga recipient o addressee lamang nila ibinigay ang kopya ng mga titulo ng lupa at iba pang papeles nang umano'y tagong-yaman ni Corona.
read moreERAP, KINAMPIHAN SI CGMA
Kinampihan ni dating pangulong Joseph Estrada si dating Pangulong Gloria Macapagal-Arroyo, sa isyu ng paglilipat nito sa isang regular na detention facility. Nagpahayag ng pagtutol si Estrada sa nasabing isyu dahil sa kabila umano ng paniniwala niya sa ilang alegasyon laban kay Arroyo, hindi pa rin makatwiran na ituring itong karaniwang akusado. Bukod aniya sa pagiging babae ni CGMA at pagkakaroon ng karamdaman, dating lider pa rin ito ng ating bansa na nararapat na paglaanan ng na-u-ukol na respeto. Si Arroyo ay nananatili sa Veterans Memorial Medical Center (VMMC) dahil sa problema ng cervical spine at iba pang karamdaman.
read moreTV STATION AT TAÑADA, INUPAKAN NG DEPENSA
Inupakan ng defense panel si house prosecution panel at Quezon Rep. Erin Tañada maging ang isang television network dahil sa umano’y walang pakundangang pagdurog ng mga ito, kay Supreme Court Chief Justice Renato Corona. Ayon kay defense panel spokesperson Atty. Rico Quicho, wala sa tamang posisyon si Tañada para diktahan ang ikikilos ng Punong Mahistrado. Ito’y matapos lumabas sa ABS-CBN news portal, na sinabi umano ng kongresista na malamang ay naghahanda na si Corona para sa kanyang “i am sorry speech”, dahil sa hindi maipaliwanag na SALN. Kaugnay nito, binatikos din ni Quicho ang ABS-CBN dahil sa pagkiling at pagiging “biased” umano ng nasabing TV station, nang payagang mailathala ang nasabing pahayag nang hindi man lamang kinukuha ang kanilang panig.
read moreSHOOT-TO-KILL ORDER, LABAN KAY PALPARAN, IBINASURA
Ibinasura na ng pamahalaan ang shoot-to-kill order laban sa puganteng si retired major general Jovito Palparan. Ayon kay Interior and Local Government Secretary Jesse Robredo, kailangang mahuli at madala sa korte si Palparan para madinig ang kinakaharap nitong kaso. Hindi aniya maganda na ang isang dating nagsilbing opisyal ng sandatahang lakas ng bansa ay kakasahan ng shoot to kill order lalo pa’t hindi pa naman ito guilty sa kinasasangkutang kaso.
read moreROLLBACK SA LANGIS, WAG ASAHAN
Inihayag ng Department of Energy (DOE) na walang a-asahang rollback sa presyo ng mga produktong petrolyo, sa susunod na linggo. Ayon kay DOE Director Zenaida Monsada, batay sa kanilang monitoring sa galaw ng presyo ng langis sa pandaigdigang merkado, walang mangyayaring pagbaba sa presyo nito sa lokal na pamilihan, sa susunod na mga araw. Nilinaw naman ni Monsada na hindi ang pagtukoy sa “overpricing” ang pakay ng binuong independent review committee (IRC) sa pagbubukas ng libro ng mga oil companies, kundi ang pagdedetermina lamang sa level ng profitability o kabu-u-ang kita ng mga nasabing kompanya. Mahirap aniyang tukuyin kung may “overpricing” na nangyayari dahil wala silang batayan hinggil dito.
read more
Recently Commented